The Pennsylvania Dutch are known for their sense of humor.  Enjoy these examples in the dialect:

1) Riddles:

Was iss gleener as en Loch?
Der Zabbe was neigeht.

Ferwas duhne die Sei kreische?
Weil sie net peife kenne.


2) Some Just-for-Fun class examples:

  Breakfast Time
+ Chonnie (Johnny), es iss Zeit fer uffschteh.
- Was Zeit iss es?
+ Es iss schun acht Uhr!
- Was henn mir fer es Friehschtick?
+ Mir hen Oier un Wascht mit gebrode Grummbiere.
- Ich hab ken Zeit.  Ich schtobb do hunne an McDonald's fer ebbes esse.


  Trip to Walmart
+ Heit gehne mir zu Walmart.
- Fer was?
+ Der Jake muss neie Hosse hawwe.
- Fer was muss er neie Hosse hawwe?
+ Sei Hosse warre schun 20 Yaahr alt un er hot sie darrich gegratzt.
- Was Farb will er hawwe?
+ Ich denk rot.
- Fer was rot?
+ Ei, wann er umfallt draus im Feld kenne mir ihn gut finne!


  Saufe
+ Es iss schun Sunndaag un widder Zeit fer noch die Karrich geh.
- Wu gehscht du in die Karrich?
+ Mir gehne in die neie Karrich in Nei Jarusalem.
- Gehscht du leenich?
+ Nee, ich nemm die ganz Familye.  Was duscht du?
- Ich geh fer en bissel zu der Lyons Feier Kumpany.
+ Wer iss der Parre dat?
- Sie hen zwee odder drei!  So weit as ich wees der erscht heest "Coors" un die annere heese "Michelob" un "Pabst".
+ Wie lang geht die Karrich dat?
- Des depend yuscht wer die Breddich gebt.  Allemol nemmts yuscht en Schtun un annere Zeit nemmts der ganz Daag!


  Was geht aa an Leesport?
Geschder Mariye frieh waar ich an der Leesport Farmer's Market.  Ich waar yuscht am wunnerfitze.  Ich hab ee Grischtdaag Gift kaaft, un deele alte Hemmer, un paar annere Dinge.  'S waar en scheener Daag un's waare viele Leit am gackse.  Iwwer ee Ding odder en anner.

Zwee Mannsleit waare mitnunner am schwetze.  Negscht zu wo sie am gschtanne hen, waar en Ford Explorer gparkt, un es hot en Dale Earnhart license Blatt vanne druff ghatt.  Nau hot der erscht gsaat, "Sell guckt net recht.  Der Dale faahrt en Chevy.  Seller Kall iss wennich verhuddelt."


Click here for Fun with Words