The following story was written by Vicky Conrad, age 12, for the purpose of having a fictional story in the Pennsylvania German dialect, that other young people may enjoy reading a story written for them. The vocabulary is intermediate level, but by clicking on words, the meanings will be displayed at the bottom of the page. As words repeat, the links disappear. What happens to John that panics his sister? Read on to find out.

" John , schtopp sell !" hot sei Mammi , die Addamsin gsaat . "Ya, John!" hot em John sei Schweschder Tara gelacht . Die Tara iss fimf Yaahr alt . "John, du bischt dreizeh Yaahr alt un weescht net wie gut sei zu deinre Schweschder." hot sei Daadi gsaat. Die Tara hot sich gefarricht vun Schpinne un em John sei Zeitverdreiwe waar fer sie retze dewege . " Velleicht iss es, ass der John sich farricht weege Meed ", hot die Tara gsaat.

Die glee Tara hot sich iwweraus gefarricht vun alles . Sie waar en bissli wie en Hinkel . Awwer Schpinne waare die arrickscht . Die Tara hot sich gefarricht, awwer sie gleicht wann der John in Druwwel kummt weege sie retze. Die Tara hot an ihn gschmunselt mit ihre kalte grohe Aagge .

"Die Tara iss en Zombie" hot der John gegickelt , wann der Tara ihre Eldre sie an ihrer heem gebrocht hen. Er hot immer gedenkt , ass sei Schweschder wunnerliche Aagge ghatt hot. Die Tara hot aa schwaze Haar ghatt. Doch , hen der John un die Tara net gleich geguckt . Er hot braune Aagge un schlabbiche leichde Haar. Der John waar im achte Grade un die Tara waar im Kindergarten. Der John waar glicklich , ass er seilewes net in die Schul gange iss mit seinre pesky Schweschder.

Die Tara hot immer Cheerios fer Marriye-esse gesse . Der John hot immer Kix gesse. Ihre Mudder hot ihre Unnerschitte net gegliche , ass sie immer zwee Sadde Cereal kaafe muss , im Blatz vun eens fer die Kinne verdeele . Awwer 's waar ee meh Ding , fer sie fechde dewege . "'S iss Zeit fer Schul " , hot die Addamsin gegrische . Sie hot des immer zehe Minudde frieh gsaat, weil ihre Kinner zehe meh Minudde gebraucht hen. "Ich bin am kumme , Mammi!" hot die Tara gsaat.

Zehe Minudde schpeeder sin die Tara un der John die Schteeg nunnergschtatzt . Sie sin uff ihre Schulboss gange un sin abgfaahre . Wie sie an die Schul kumme sin , hot die Tara ihre Freind , die Angeline, aagedroffe . Die Angeline hot verschtanne , ass die Tara un der John fechde duhne un sie hot immer die Tara besser fiehle gemacht . "So, wie geht's mit em iwweler John?" hot die Angeline gfroogt . "Wie allfatt , er iss gwehnt , er grickt sich im Druwwel fer wiescht sei ", hot die Tara gsaat.

Nooch die Schul, hot die Bell gerunge . Die Kinner sin uff die Schulboss gange un nooch en halb Schtunn sin heemkumme . Graad wie sie ins Haus reikumme sin , iss der John nunner in der Keller gschprunge . Der Addams hot net geguckt awwer hot hennyer gewisst wer 's waar .

"Jonathan!" Es waar sei rechder Naame , awwer der John hot's ghasst . Sei Daadi , en Biologist, iss um's Eck geloffe . Er hot en Glaaskaschde ghowe . Sei dicke braune Haar waar am Kopp fescht gebappt vun seim Schwitz . Er hot darrich es geguckt mit seine dunkle braune Aage. Er hot gschmunselt . "Jonathan, des iss en raari Schpinn . Ich hab in 50 Schpinnebicher geguckt. Kenni hen nix wie des . Ich hab mei Marriyetstschagg geduh un hab schier gaar uff der aarem Kall gedredde ."

Der John hot sich newe an en dunkli schwazi Schpinn mit weisse Flecke gfunne . Der John hot immer gedenkt , ass sei Daadi en bissel schpassich waar . Es waar, weil sei Daadi Schpinne gegliche hot . Im Keller hot sei Daadi en Amt ghatt . Die Schtubb hot vier Wend ghatt mit Keffer im Glaaskaschde an yeders .

Der John hot es aageguckt un hot zerickgschritt . Ebbes weege die Schpinn waar schpassich. Der John iss nuffgange un hot gwaart , bis sei Daadi ruffkumme iss . Er hot en ganz guter Blaan ghatt , fer die Tara bedriege . Er hot gedenkt, as seller Blaan sei allerbescht waar. Awwer er hot hawwe misse , as sei Daadi nuffgeht .

Er hot es TV druffgedreht . Er hot ebbes duh wolle , weil er am Waarde waar .

Baut ee Schtunn schpeeder, waar er es TV leedich .

Er iss in sei Schtupp gange, so ass er mit seim Karreb-balle schpiele kenne . Dann iss er nunnergange . Sei Daadi iss endlich in sei Bettschtupp gange , fer schloofe .

" Fehlerfrei !" hot der John gepischbert . Er iss nunnergange. Er hot der Schpinn ihre Kaschde uffgemacht. Es waar so ruhich un noch so fehlerfrei. Er hot die Schpinn vun ihre Kaschde rausghowe . Uff eemol , iss die Schpinn uffgschprunge un hot ihn gebisse . Er hot gegriche un hot die Schpinn verzottelt un sie iss weckgschprunge . Der John hot net gsehne , wu sie hie gange iss. Er hot gedenkt, an was ihn noch bassiere kennt . Er waar bletzlich arrig schlaeferich . Er iss nuff in sei Bettschtupp gange un hot sich hieghockt, fer yuscht ruhe , awwer dann iss er eigschlofe .

Wu er hot wacker iss warre , hot er gsehne, ass sei Schtupp am waxe waar . Er hot im Schpiggel geguckt fer sehne eb er grank waar . Er iss schier gaar umgfalle ! Er hot acht Erem ghatt un er waar iwwerall haarich . Sei Maul waar safdich verennere un en Paar Beisszang waar datt . Er waar am Eischrenke . Schlimmer noch , er waar nau en Schpinn.

Glei iss sei alt Karreber weckgange un nau waar er en gleeni schwazi Schpinn mit weise Flecke. Der John hot browiert greische , awwer sei gleene schwazi Beisszang hen yuscht bissel Yacht gemacht .

Die Tara waar in ihre Schtupp am Schpiele mit ihre Dallbopp . "Du bischt ganz schee, Miss Sally," hot die Tara ihre Dallbopp gsaat. Sie hot ihre Kopp rumgedreht . Sie hot gegrische , wu sie es Ding gsehne hot. Sie hot sich mit me groosse schwaze Schpinn mit weise Flecke gfunne. Ihre Daadi iss hiekumme . "Ach, Tara, ich weess net, wie mei Schpinn rauskumme iss. Ich duh's widder nei ". Ihre Daadi hot die Schpinn in der Kaschde gschtellt .

"'S iss Zeit fer Schul", hot die Addamsin gegrische . " Allrecht ", hot die Tara gsaat. Die Tara runnergeloffe fer's Marriye-esse. " Hoscht dei Bett gemacht ?" hot die Addamsin gfroogt. "Ya, Maami!" hot die Tara geantwatt . "Tara, wu iss der John?" hot die Addamsin gfroogt. Sie hot sich bekimmert . "Ich wees net," hot die Tara geantwatt, weil sie ihre Cereal am Esse waar. Die Tara hot ihn gaar net vermisst . Awwer, des waar schpassich , ass er net hunne waar fer's Marriye-esse. Die Tara hot die Frog net zerickghalde kenne . "Wu iss der John?"

En Schtund schpeeder, iss die Addamsin vun der Foohn uffghenkt mit eens vum John seine Freind. Sie hot all vun ihre Heemede uffgerufe , fer ausfinne iss der John datt. Ken so Glick. Die Addamsin hot gebrillt , weil sie yuscht an ee Ursach denke hot kenne. "Mei Bobelli iss darrichgange ," hot die Addamin gschluchzt. Ihre Mann waar noch net am Brille , awwer die Tara hot gsehne, ass er drauerich waar, wie sei Fraa.

Die Tara hot net gedenkt, ass es wichdich waar. Sie hot gegliche, en Lewe hawwe unne en Bruder, fer sie retze. Sie hot es net gegliche, ass ihre Eldre am Brille sin, so iss sie in ihre Schtubb gange, un gschpielt mit ihre Dallbobbe. Sie hot yuscht en Dallbopp uffgepickt, wann sie ebbes unglaabich gsehne hot. Es waar die Schpinn vun frieher. Sie hot greische wolle, wu die Schpinn aagfange in Gringel rumgange iss. Sie hot aerscht gedenkt, ass es narrisch waar, awwer dann hot sie gesehne, ass es en Webb gemacht hot. Es Webb waar arrig grooss. Sie hot gemeent, , ass sie des am Vorschtelle waar, awwer sie hot dann gedenkt, ass es ihre Naame gschriwwe hot.

Widder hot die gleen Schpinn in en Gringel rumgerennt . Sie hot gwisst, ass es net ihre Vorschtelling ennicher waar. Es Webb hot gsaat, "Tara, es iss mich, der John." Die Tara hot sich gefarricht, awwer sie hot gwisst, ass es die Wahret waar.

"John, wie bischt du wie des geworre ?", hot die Tara gfroogt. Sie waar verschtaunlich net am Brille. Der John hot mit me Webb geantwatt, "Em Daddi seinre Schpinn hot mich gebisse." "John, es dutt mir leed, ass ich gsaat hab, ass ich bees waar an dich, un ich hab dich im Druwwel grickt, un ich hab an dich gegrische. Nau will ich dich yuscht wie du devor waarscht," hot die Tara gsaat. "Tara, du muscht braav sei. Die Wahret iss, ass ich gedruwwelt bin. Der Daadi weess net, ass es mich iss, un ich will net uff em Babbedeckel aagschpellt warre," hot der John geantwatt.

Die Tara hot in en hatzhaftichi Schprooch gfroogt, "Was soll ich duh, John?" " Es gebt en alder Braucher die Schtross nunner am annere Seit der Schtadt . Nemm mich datt hie . Er weess was mir duhne misse ," hot der John gsaat. Die Tara hot der John in ihrem Daadi sei Kashde neigelegt un iss die Schtross nunner geloffe.

Wann sie an's glee Haus am Ranft vun der Schtadt hiekumme sin , hen sie der Braucher Jacob Schneider augedroffe. "Well, Kinner, des iss net gut. Dihr misst mir en vier bleddricher Glee un ounce Gwarz haerbringe , odder der Bu bleibt ewich wie des. Ich hab des devor gheelt , awwer ich brauch selli Dinger," hot der Schneider gsaat. Die Tara hot verschproche , ass sie selli Dinger datt hie bringt . Sie iss nausgange un mit der Schpinn, John, in der Busch geloffe .

Fer baut en Schtunn hot die Tara rumgsucht un iss an en Schtumbe kumme. Ebbes waar am Glitzere im Busch. Es waar en Schtick Gwarz awwer die Tara hot's net rausgriege kenne. Sie hot schier gaar uffgewwe , awwer sie hot en arrig schtarricker Nascht gfunne. Sie hot's in der Schtumbe hiegschteckt, un die Gwarz rausgezogge. Sie hot's in die Dutt , ass uff ihrem Buckel waar, neigeduh .

Die Tara waar arrig schtolz mit sich selwert . "Tara, mir brauche noch en vier gebledderter Glee," hot der John in der Grund gschriwwe. Die Tara hot ihre Kopp nunnergebickt. "Oh ya," hot die Tara gseifzt. . Sie sin an en Gleefeld kumme un hen geguckt un geguckt un geguckt. Endlich, weil er waar uff der Grund am Laafe waar, hot der John nuffgeguckt, un eener mit vier Bledder gfunne. Die Tara hot's geroppt, un iss noch em Braucher sie Haus zerickgange mit der Dinge.

Der Braucher hot die Dinge in der Kessel geduh un hot gsaat, " Fluch vun der Schpinne, geh nau weck ! Fuch vun der Schpinne, geh nau weck! Fluch vun der Schpinne, geh nau weck! Duh der Bu in zerick sei Bett un er soll gsund warre. Wann er net gsund watt, bleibt er ewich wie des."

Die Tara hot an der schtaawicher Faahrweg heem geloffe un hot graad geduh, wie der Schneider gsaat hot. Marriyeds iss die Tara im John sei Schtubb geloffe, un der schlaeferich Bu waar am langsam uffwecke .

" Es dutt mir leed , ass ich so wiescht zu dir waar," hot der John gsaat. Ihre Eldre waare froh , ass der John zerick waar. Er hot ihne gsaat, ass er eigschlofe iss, wu er uff der ewwerscht Schpeicher am Wunnerfitze waar. Es waar en dummer Schtori , awwer sie Eldre hen's geglaabt . Er waar froh, ass er zerick kumme iss, awwer die menscht vun all, die Tara waar froh, ass er zerickkumme iss.

"Tara, bischt noch bees an mich?", hot der John gfroogt, noch drauerich. "Nee, du hoscht gsaat's dutt dir leedi, un ich bin net bees," hot die Tara gsaat. Sie waar am Lechle . Die Tara un der John waare alle beed am Lechle un sin besser aakumme mitnanner .